Harry.potter admin
عدد الرسائل : 1159 العمر : 37 Location : بيتنا تاريخ التسجيل : 19/07/2007
| موضوع: حقوق الانسان لصديقى ابو حامد الإثنين يوليو 30, 2007 11:51 am | |
|
حقوق إنسان
قالوا لنا دى مادة أمريكانى
حقوق إنسان ..
و آه يانى !!
* * *
أقلب في الكتاب الاهبل
ألاقى كلام
ولا الأحلام
كلام – يا سلام – كما السكر
لكنه زى سكر مُرّ
كلام
للحُرّ
و شوف و احكم !!
* * *
في أول فصل
"الدستور"
؟؟؟
مانيش فاكر سمعت الكلمة دى إمتى ؟؟!!
جايز سنة ستة و سبعين ؟؟
؟؟؟
أيوة افتكرت
"تعديل مادة ستة و سبعين من الدستور" !
!!
بلاش دِيَّه
في تانى فصل
و تالت فصل
"حرية" !
و "شفافية" !!
..
و ملوخية !!!
!!!!
و من كتر الكلام الحلو ما فقعنى
كبرت دماغى
و قلت لروحى إيه يعنى
ما دمت مش فاهم حاجة
في شئ عمرى ما جربته
هقضيها
و هستهبل !!
* * *
و مسكت ورقة الامتحان
ما نيش عارف أول سؤال !!
ولا التانى !!
طب أعمل إيه ؟؟
؟؟
هقضيها ..
و هستهبل ..
و رحت كاتب في الورقة
في جيم جواب رقم واحد
تكلم عن حقوق المرأة ..
"عاشت الست العظيمة
و تحيا المرأة على حسها" !!
و تانى سؤال ..
تكلم في حدود سطرين ..
عن حقوق المعتقلين ..
كتبت و قلت ..
"مفيش في بلدنا معتقلين" !!
تالت سؤال ..
ولا قريته !
كتبت و قلت
-مع اعتذارى لعدولة-
"يا مدلعنا ..
يا مشخلعنا ..
قول لعدوك روح اتليس
هشتكنا و بشتكنا يا ......" !!
!!!
* * *
و يا اللى هتشوف الإجابات
بلاش تقول ..
"بِيوَرَّطْنِى"
صححها و ادينى الدرجات
و ان كنت راجل ..
سقطنى !!
| |
|
Barbie girl المشرف العام
عدد الرسائل : 182 تاريخ التسجيل : 23/07/2007
| موضوع: رد: حقوق الانسان لصديقى ابو حامد الجمعة أغسطس 03, 2007 12:21 am | |
| hhhhhhhhh
eh el tasha2oum da
ISA 5er
thxxx al topic
| |
|