ازى نضحك واحنا مكسورين

اكيد فى ناس انسكرت كتير فى الدنيا دى
فى ناس بتنكسر وتقوم وناس تانية لا
لما تحس انك انكسرت
اول حاجة بتعملها بتعيط مثلا بتجرى على اقرب صدر يضمك
وبعدين بعد ده كله بتعمل اه
بتحزن شوية اكيد طبعا
وبتحس بألم بتحس ان مفيش حد فى الدنيا كلها زيك فى حزنك
وتحس ان دى ممكن تكون النهاية ممكن
السؤال هنا
ممكن نضحك واحنا مكسورين
يعنى وانتا مكسور وفى عز عجزك
تقدر تضحك

انا هجاوب
انا هضحك وهضرب الدنيا جزمه
مش لانى لسمح الله معنديش دم
لا
لان الدنيا فيها ألف مليون غم
وعلى راى بيرم التونسى
ميت هم يرحل ألف هم يدوم

اكيد معظمنا ممكن يضحك بس من ورا قلبه من جوة كلاب وقطط بتصارع فى قلبه
لكن على الوش ضحك ولعب وحب وسعادة وده كدب

اكيد نقدر نضحك ويعلى صوتنا بالضحك ونرقص كمان نجرى ونلعب لو عايزين مش مستحيل وده طبيعى جدا لانه من الاخر هروب من الهم وانا مع هارى فانه بيكون من ورا قلبنا بس ده حال الدنيا مافيش حل تانى